काठमाडौं, ३० असार । राजधानीको चाबहिल–गोकर्ण सडक खण्डमा ठूल्ठूला खाल्डैखाल्डामा जमेको पानी र रोपाइँ गर्न मिल्ने जस्तो हिलो जमेको हुदा यस क्षेत्रका बासिन्दालाई घाम लाग्दा धूलोधूवाँ अनि पानी पर्दा हिँड्नै मुस्किल पर्ने हिलोले सास्ती भोगी रहेका छन  ।

मनसुन शुरू भएयता स–साना बालबालिकालाई बिहान स्कूलसम्म जान पनि मुस्किल पर्ने गरेको छ । स्थानीय मात्र होइन सुन्दरीजल घुम्न जाने आन्तरिक तथा बाह्य पर्यटकहरू पनि यो समस्याबाट पीडित छन् । बर्षामा मात्र हौइन  बर्षा परेसकेपछि  करि  एक हप्ता सम्म पनि खाल्डोको पानी जमी रहदा सो समस्या झोल्नु परेको छ ।चाबहिलका आसपास क्षेत्रमा  सडक खण्डमा ठूल्ठूला खाल्डा, खाल्डा  छन  । चाबहिल चोक देखि  उता गोकर्ण सडक खण्डमा ठूल्ठूला खाल्डैखाल्डामा  पानी जमीरहदा यात्रू हरुले समास्या झोल्नु परेको छ ।

 चाबहिल–गोकर्ण सडक खण्ड भएर  प्रदेश सांसद कृष्ण राई यही बाटोबाट दैनिक यात्रा गर्छन् । उनले समेत सडकको स्तरोन्नतिमा कुनै योगदान नगरेको स्थानीयहरुले आरोप समेत लगाएका छन   ।

प्रदेश सांसद राई र  गोकर्णेश्वर नगरपालिका मेयर  सन्तोष चालिसे, बीचको जुँगाको लडाईंका कारण सडक स्तारोन्नतिले गति लिन नसकेको स्थानीय भनाई रहेको छ  ।