राष्ट्रिय स्वतन्त्र पार्टी (रास्वपा) का सभापति रवि लामिछानेले शुक्रबार प्रधानमन्त्रीको शपथ लिन लागेका वरिष्ठ नेता बालेन शाहलाई बधाई तथा शुभकामना दिएका छन् ।

केन्द्रीय कार्यालय वनस्थलीमा बिहीबार बसेको पार्टीको केन्द्रीय समिति र संसदीय दलको संयुक्त बैठकले बालेनलाई सर्वसम्मत दलको नेता चयन गर्ने प्रस्ताव अनुमोदन गरेपछि रविले बधाई तथा शुभकामना दिएका हुन् । 

‘संसदीय दलको तर्फबाट उहाँलाई हार्दिक बधाई तथा सफल कार्यकालको शुभकामना दिन चाहन्छु’, बैठक समापन गर्दै उनले भने । बालेनले शुक्रबार १२ः३४ बजे प्रधानमन्त्रीको पद तथा गोपनीयताको शपथग्रहण गर्दैछन् । भोलि नै दिउँसो २ः१५ बजे प्रधानमन्त्रीको कार्यालय सिंहदरबारमा पदभार ग्रहण गर्दैछन् ।