काठमाडौँ, । अख्तियार दुरुपयोग अनुसन्धान आयोगले नापी कार्यालय पर्साका सर्वेक्षक रामप्रमोद राउत र कार्यालय सहयोगी अरुणप्रसाद उपाध्यायविरुद्ध घुस लिएर भ्रष्टाचार गरेको आरोपमा विशेष अदालत काठमाडौँमा आरोपपत्र दायर गरेको छ।

आयोगले मंसिर २ गते दुवै जनालाई सेवाग्राहीसँग रु एक लाख घुस लिएर पक्राउ गरेको थियो। आयोगका सहायक प्रवक्ता गणेशबहादुर अधिकारीका अनुसार दुवै जनाले आपसी मिलेमतोमा वीरगञ्ज महानगर–२५ स्थित कित्ता नम्बर ५५, क्षेत्रफल ०००६४ वर्गमिटर जग्गा छुट तथा दर्ता प्रक्रियामा सहजीकरण गरिदिने भन्दै घुस मागी लिएको अनुसन्धानबाट प्रमाणित भएको छ।

आयोगले उनीहरूलाई भ्रष्टाचार निवारण ऐन, २०५९ को दफा ३(१) अनुसारको कसुर लाग्ने निष्कर्ष सहित बिगो रकम रु एक लाख कायम गरेमा सोही अनुसार कैद सजाय र जरिवाना मागदाबी गर्दै विशेष अदालतमा मुद्दा दायर गरेको जनाएको छ।

घटना सम्बन्धमा अब कोर्ट प्रक्रियाले अघि बढ्ने आयोगले जानकारी दिएको छ।