नेपाली कांग्रेस नुवाकोट क्षेत्र नम्बर–२ बाट आगामी फागुन २१ को निर्वाचनका लागि उम्मेदवार सिफारिस गरेको छ । बिहीबार बसेको क्षेत्रीय कार्यसमितिको बैठकले आसन्न प्रतिनिधि सभा (प्रत्यक्ष तथा समानुपातिक) र राष्ट्रिय सभाको निर्वाचनको लागि उम्मेदवारहरूको नाम सिफारिस गरेको हो । क्षेत्रीय समितिले प्रतिनिधि सभाको प्रत्यक्षतर्फ ७ जना र समानुपातिकतर्फ ४ जनाको नाम सिफारिस गरेको छ।

उक्त प्रतिनिधि सभाको प्रत्यक्ष तर्फको उम्मेदवारका लागि बागमती प्रदेशका पूर्व मुख्यमन्त्री एवम् वर्तमान सांसद बहादुरसिंह लामा तामाङसहित ७ जनाको नाम सिफारिस भएको छ। सिफारिस हुनेमा नेता जगदीश्वर नरसिंह केसी, ध्रुवप्रसाद अधिकारी, चोकराज शाक्य, बिन्दा अर्याल, सापकोटा र नमराज पाण्डे रहेका छन् ।

कांग्रेसले नुवाकोट–२ ले प्रतिनिधि सभाको समानुपातिकतर्फ नेता अर्जुननरसिंह केसीको नाम पहिलो नम्बरमा सिफारिस गरेको छ। समानुपातिकतर्फ जगतबहादुर तामाङ, गीता अमात्य र रुकमणि सेढाईको नाम सिफारिस गरिएको छ ।

यसैगरी, राष्ट्रिय सभा सदस्यका लागि ३ जनाको नाम सिफारिस गरिएको क्षेत्रीय समितिले जनाएको छ। जसमा श्रीराम श्रेष्ठ, राजु थापा र राज्यलक्ष्मी पाण्डे रहेका छन्।