काठमाडौं । गौतम बुद्ध अन्तर्राष्ट्रिय विमानस्थलमा निजी एयरलाइन्सलाई ग्राउण्ड ह्याण्डलिङ गर्ने अनुमति दिने संस्कृति, पर्यटन तथा नागरिक उड्यनमन्त्री हितबहादुर तामाङले बताउनुभएको भएको छ ।

शनिबार अठोट नेपालले नेपाल पर्यटन बोर्डको सभा हलमा आयोजना गरेको कार्यक्रमलाई सम्बोधन गर्दै उहाँले यस्तो बताउनुभएको हो । नेपाल वायुसेवा सञ्चालन संस्थालाई व्यावसायिक ग्राउण्ड ह्याण्डलिङ सेवा प्रदान गर्न उड्डयन प्राधिकरण विमानस्थल सेवा शुल्क नियमावली २०७८ को नियम ५.२ बमोजिम प्रक्रिया शुरु गर्न प्राधिकरणलाई निर्देशन दिएको पनि उहाँले बताउनुभयो ।

अन्तर्राष्ट्रिय उडानका लागि अनुमति प्राप्त अन्य नेपाली वायुसेवा सञ्चालन संस्था (एयरलायन्स) ले यस विमानस्थललाई सञ्चालन आधार बनाएर नियमित उडान सेवा शुरु गरेमा उनीहरूलाई कमर्सियल ग्राउण्ड ह्याण्डलिङ गर्ने अनुमति प्राप्त हुने भएको छ ।

यसअघि नेपाल वायुसेवा निगमले गौतम बुद्ध अन्तर्राष्ट्रिय विमानस्थल र पोखरा क्षेत्रीय अन्तर्राष्ट्रिय विमानस्थलको कमर्सियल ग्राउण्ड ह्याण्डलिङ गर्ने अनुमति प्राप्त गरेको थियो ।