कांग्रेसले गृहमन्त्री रविलाई संसदमा बोल्न दिएन भन्ने कुरा गलत भएको नेता कोइरालाको दावी
काठमाडौं । प्रमुख प्रतिपक्ष दल नेपाली कांग्रेसका नेता डा.शेखर कोइरालाले आफ्नो पार्टीले उपप्रधान एवं गृहमन्त्री रवि लामिछानेलाई संसदमा बोल्न नदिएको भन्ने कुरा गलत भएको दावी गर्नुभएको छ ।
नेपाल लोकतान्त्रिक वैदेशिक रोजगार व्यवसायी एशोसिएसनले शनिबार काठमाडौंमा आयोजना गरेको एक कार्यक्रमलाई सम्बोधन गर्दै उहाँले यस्तो बताउनुभएको हो । गृहमन्त्री लामिछानेलाई संसदमा बोल्न नदिएको आरोप लगाई रहेको समयमा कांग्रेसले बोल्न दिने कुरामा सहमत भएको उहाँले दावी गर्नुभएको छ ।
नेता कोइरालाले बोलेको कुरामा चित्त नबुझे खण्डन गर्ने कांग्रेसको अडान पनि बोल्न नचाहेको नेता कोइरालाको भनाइ थियो । उहाँले गृहमन्त्री लामिछानेले सहकारी ठगीमा मुछिएपछि गृहमन्त्री भएर बस्न नमिल्ने बताउनुभयो ।
गृहमन्त्री भए फरक नपर्ने तर गृह मन्त्रालयमा बस्न भने उहाँले नमिल्ने नेता कोइरालाको तर्क छ । गहृमन्त्री लामिछाने आफैले संसदमा उभिएर आफूमाथि लागेको सहकारी ठगी छानविनका लागि संसदीय समिति बनाउनुपर्ने धारणा राख्नुपर्ने उहाँले बताउनुभयो ।
कांग्रेसले गृहमन्त्री लामिछानेको राजीनामा नमागेको पनि नेता कोइरालाले बताउनुभएको छ ।