ललितपुरमा मेयरका उम्मेदवार श्रेष्ठ भन्छन् : मेरो प्राथमिकतामा निःशुल्क शिक्षा र स्वास्थ्य
उज्ज्वलकृष्ण श्रेष्ठ, विवेकशील साझा पार्टीका तर्फबाट ललितपुर महानगरपालिकाका उम्मेदवार हुन् । नेपालमा ठूला दलहरूले पटक–पटक अवसर पाएर पनि जनताको हितमा प्रभावकारी काम गर्न नसकेको कारण आफू राजनीतिमा आएको श्रेष्ठ बताउँछन् ।
भारतको आम आदमी पार्टीबाट प्रभावित श्रेष्ठ भन्छन्, ‘हामी ललितपुर महानगरलाई व्यवस्थित गर्न चाहन्छौं, जसरी भारतमा केजरीवालले गरेका छन् ।’
एक अर्ब बजेट कार्यान्वयन हुँदा लगानी २०-३० करोड र बाँकी भ्रष्टाचार हुने उनको दाबी छ । भ्रष्टाचार न्यूनीकरण गरेर त्यो रकमबाट नागरिकलाई निःशुल्क शिक्षा र स्वास्थ्य सेवा उपलब्ध गराउने उनको जिकिर छ ।