बूढीगण्डकी स्वदेशी लगानीमै बनाउने निर्णय स्वागतयोग्य छ : महामन्त्री शर्मा
नेपाली काँग्रेसका महामन्त्री विश्वप्रकाश शर्माले बूढीगण्डकी जलाशययुक्त जलविद्युत् आयोजना स्वदेशी लगानीमै बनाउने सरकारको निर्णय स्वागतयोग्य भएको बताएका छन् । बिहीबार बसेको मन्त्रिपरिषद् बैठकले चिनियाँ कम्पनी ‘चाइना गेजुवा ग्रुप कम्पनी लिमिटेड’ बाट खोसेर आन्तरिक स्रोतबाटै वित्तीय व्यवस्थापन गरी आफैं आयोजना निर्माण गर्ने निर्णय गरेपछि महामन्त्री शर्माले यस्तो बताएका हुन् ।
शुक्रबार विहान ट्वीट गर्दै शर्माले बूढीगण्डकी गेजुवालाई दिने तत्कालीन प्रधानमन्त्री तथा एमाले अध्यक्ष केपी शर्मा ओलीको आत्मालोचना सुन्न पाइने अपेक्षा राखे । यस्तै उनले बूढीगण्डकी ९ अर्ब बाँडेर खाएको आरोप फिर्ता लिन बाबुराम भट्टराईले लज्जाबोध नगर्नुहुने आशा व्यक्त गरे । केही महिनाअघि भट्टराईले बूढीगण्डकी गेजुवालाइ बनाउन दिएर एमाले ओली, काँग्रेस शेरबहादुर देउवा र माओवादी केन्द्रका अध्यक्ष प्रचण्डले ९ अर्ब बाँडेर खाएको आरोप लगाएका थिए ।
समृद्धिको साझा दायित्व पुरा गर्न आवेगमुक्त साझा अठोटमा देश जुट्नुपर्ने महामन्त्री शर्माले बताए । उनका अनुसार १२ सय मेगावाटको विधुत उत्पादन, ठूलो जलाशय, वृहत् पर्यटनको केन्द्र, पिउने पानी र सिँचाइको विशाल भण्डारको बहुउद्देश्यीय परियोजना स्वदेशी लगानीमै बनाउनु अनेक कोणबाट जरुरी थियो ।