ताप्लेजुङको डुम्रिसेमा ट्याक्टर पल्टँदा सहचालकको मृत्यु
ताप्लेजुङको पाथिभरा याङ्वरक गाउँपालिका–४ डुम्रिसेमा बिहीबार ट्याक्टर दुर्घटना हुँदा सहचालकको मुत्यु भएको छ ।
मृत्यु हुनेमा सोही गाउँपालिका वडा नं १ नाङ्खोल्याङका २० वर्षीय सूर्यमान राई छन् ।
उत्तिसको गोलिया बोकेको ट्याक्टर पल्टिएर किच्दा राईको घटनास्थलमै मृत्यु भएको जिल्ला प्रहरी कार्यालय ताप्लेजुङका प्रहरी निरीक्षक मोहन पोख्रेलले जानकारी दिए ।
ट्याक्टर चालक नाङखोल्याङकै २३ वर्षीय नर बहादुर राईलाई नियन्त्रणमा लिएर अनुसन्धान भइरहेको पोख्रेलले बताए ।
