काठमाडौं  २९  असार  ।   विश्वभर नेपाली भाषीहरुले बिभिन्न कार्यक्रम आयोजना गरेर २०६औँ  भानुभक्त जन्मजयन्ती अबसर पारेर  भानुभक्त आचार्यलाई सम्झिरहेका छन् । सरल नेपाली भाषामा लेखिएको अयोध्याका राजा रामको जीवनीलाई भावानुवाद सहितको ‘रामायण’ प्रस्तुत गरेर भानुभक्तले नेपाली जनतालाई ठूलो गुन लगतएका थिए  । उहाँले लेखेका रामायण अहिले पनि नेपालीको घरघरमा सस्वर लय हालेर पाठ बाचन पनि गरिन्छ ।

 
 तेति बेला बडामहाराजधिराज  श्री ५  पृथ्वीनारायण शाहले भौगोलिकरूपमा एकीकरण गर्नुभएको नेपाललाई आदिकवि भानुभक्तले भाषा, साहित्य र संस्कृतिमार्फत एकीकरण गर्नुभएको थियो । विसं १८७१ मा तनहुँको चुँदीरम्घा गाउँमा जन्मिनुभएका भानुभक्तलाई एक सामान्य घाँसीले ‘जन्मेपछि राम्रो काम गरेर नाम कमाउनुपर्छ’, भनी अर्ती उपदेश दिनुभएकाले उहाँ रामायणलाई नेपालीमा रचना गर्न प्रेरित हुनुभएको थियो ।

भानुभक्त  जन्म जयन्तीलाई आज  नेपाली हरुले विश्वभर  मनाईरहेका छन  ।  भानुभक्त  जन्म जयन्तीका अवसरमा आइतबार काठमाडौंको बिभिन्न स्थान मा मनाउदैछन त्यस्तै  काठमाडौंमा प्रभातफेरी तथा महानगर परिक्रमा समेत  गरिएको छ । भानु प्रतिष्ठान, काठमाडौंको आयोजनामा निकालिएको प्रभातफेरी प्रज्ञा भवनबाट सुरु भर्इ पुतली सडक, बागबजार, रत्नपार्क हुँदै प्रज्ञा भवनमा पुगेको थियो।