काठमाण्डौ  ३ श्रावण  ।  बाजुराको फिलुचौरबाट कालिकोटको जितेगडा जाँदै गरेको क १ ज २१ नम्बरको जिप बाजुराको जगन्नाथ गाउँपालिका–५ स्थित जुवाखोलामा दुर्घटना  हुदा चालकसहित २ जनाको घटनास्थलमै मृत्यु भएको छ भने ११ जना घाइते छन्। दुर्घटनामा ४ जनाको अवस्था गम्भीर छ ।जिपमा १५ जना सवारी बामेकेर  फिलुचौरबाट कालिकोटको जितेगडा जाँदै गर्दा  शुक्रबार बिहान ८ः३० बजे  उत्त दुर्घटना भएको हो । 

दुर्घटनामा टीकापुर नगरपालिका–४ का  जिपका चालक २६ वर्षीय रमेश बोगटी र खत्याड गाउँपालिका–६, मुगुका २४ वर्षीय रामबहादुर शाहीको घटनास्थलमै मृत्यु भएको जिल्ला प्रहरी कार्यालय बाजुराका डिएसपी उद्धवसिंह भाटले जानकारी दिए  छन । 

प्रहरीका अनुसार, गम्भीर घाइते हरुको उपचारका लागि नेपालगन्ज लैजान हेलिकोप्टर मगाइएको बताईएको छ । अन्य घाइतेको भने कोल्टी स्वास्थ्य केन्द्रमा नै उपचार भइरहेको छ ।जिप दुर्घटना हुनुको मुख्य  कारण कमजोर सडक संरचना रहेको प्रहरीले अनुमान गरेको छ  ।