काठमाण्डौ ६  श्रावण  । कैलालीमा छोराले धारिलो हतियार प्रहार गरि आफ्नै बुवाको हत्या गरेका छन ।  घोडाघोडी नगरपालिका ११ मा आईतबार राती घरयासि झगडाले उग्ररुप लिदा   बुवा ७५ बर्षिय  काल्चे रावतमाथि   ५५ बर्षिय उदे रावतले हसिया प्रहार गरेका छन ।

 बुवाको हत्या गरि फरार रहेका उदे रावतलाई गयराती नै ईलाका प्रहरी कार्यालय सुखडकाले पक्राउ गरि थप अनुसन्धान भईरहेको  प्रहरी निरिक्षक यक्ष राज जोशिले जानकारी दिनुभयो । घटनामा परि मृतक रावतकि श्रीमती नन्दे रावत गम्भिर घाईते भएकि छन । उनलाई थप उपचारका लागि नेपालगञ्ज रेफर गरिएको प्रहरीले जनाएको छ ।