काठमाडौँ — अखिल नेपाल फुटबल संघ (एन्फा) को आयोजनामा आजदेखि त्रिपुरेश्वरस्थित दशरथ रंगशालामा साफ महिला क्लब च्याम्पियनसिप सुरु भएको छ।

दक्षिण एसियाका सातमध्ये पाँच राष्ट्रका महिला टोलीको सहभागिता रहने प्रतियोगितामा आज दुई खेल हुँदैछन्। उद्घाटन खेलमा पाकिस्तानी टिम कराची एफसी र भुटानी टिम ट्रान्सपोर्ट युनाइटेड लेडिज एफसीबीच प्रतिस्पर्धा भइरहेको छ। अहिलेसम्म खेलमा ०-० को बराबरी रहेको छ।

प्रतियोगिताले क्षेत्रीय महिला फुटबल विकासमा योगदान पुर्‍याउने अपेक्षा गरिएको छ।