वाणिज्य, आपूर्ति तथा उपभोक्ता संरक्षण विभागले बजार अनुगमनका क्रममा कानुन विपरीत सञ्चालन गरेको पाइएपछि एक कन्सल्टेन्सी (शैक्षिक परामर्श केन्द्र) लाई जरिवाना गरेको छ । अन्य ६ वटा फर्मलाई आवश्यक कागजातसहित उपस्थित हुन निर्देशन दिइएको छ ।

बिहीबार अनुगमनमा गएको विभाको टोलीले दर्ता प्रमाणपत्र नराखी सञ्चालन गरेको पाइएपछि ललितपुर महानगरपालिका–५ मा रहेको एसएस एजुकेशन सोलुसन सर्भिस प्रालिलाई ५१ हजार रुपैयाँ जरिवाना तिराएको छ । 

यसैगरी विभागले अनुगमनका क्रममा थप अनुसन्धान आवश्यक देखिएका अन्य ६ वटा कन्सलटेन्सिलाई व्यवसायसँग सम्बन्धित कागजातहरू लिएर तीन दिनभित्र विभागमा उपस्थित हुन निर्देशन दिएको छ । विभागले बिहीबारदेखि कन्सलटेन्सिलाई लक्षित गर्दै अनुगमन थालेको विभागले जनाएको छ।