हुम्लाको झापुकुनास्थित किराना पसलमा आगलागी
हुम्लाको सर्केगाड गाउँपालिका–४ को झापुकुनास्थित मानदेव शाहीको जस्तापाताले छाएको किराना पसलमा आगलागी भएको छ ।
जिल्ला प्रहरी कार्यालयका प्रहरी नायब उपरीक्षक शङ्कर पोखरेलले आइतबार बिहान भएको आगलागीबाट किराना पसलका सामान, स्टेशनरी, कपडा जलेर नष्ट भएकोे जानकारी दिए ।
स्थानीयवासी र सर्केगाडका प्रहरी टोलीको सक्रियतामा नियन्त्रणमा आगो नियन्त्रणमा आएको छ । आगलागीबाट भएको क्षतिको यकिन विवरण प्राप्त भएको छैन ।
